Dit is met groot hartseer dat Retire @ Midstream Rolbalklub op 3 Januarie 2019 permanent afskeid geneem het van Hansie Meyer
Met die tema “n groot boom het geval” het ‘n stampvol kerk met familie en vriende van Hansie afskeid geneem.
As huldeblyk aan ‘n spesiale mens het meer as 40 mede rolbalspelers na die diens ‘n erewag binne en buite die kerk gevorm.
Hansie se lidmaatskap en deelname aan die rolbalklub is ook “verewig” met ‘n informele seremonie wat op Saterdag 12 Januarie by die rolbal-klubhuis plaasgevind het. Tydens hierdie geleentheid is Hansie se “tab” deur sy dogter, Lizette Wessels, op die “In Memoriam”-bord in die klubhuis aangebring.